Special Olympics: India-i medal 173 tashi agizük

New Delhi, August 06 (Agencies): Special Olympics Bharat telok nung densemba India’er tangar memenepba asayar 275-i medal 173 tashi Los Angeles nung tan August ita 2 nü tembangba Special Olympic World Summer Games 2015 asayamong nung agizükogo.
India asayartemi gold 47, silver 54 aser bronze 72 densema ajak agi medal 173 tashi tetoktepba 14 nung anogo 9 agia shilem agiba sülen agizük.
Tan gold medal agizüker rong nung Assam tsüra ka densemba osang jangjaogo.
Asha Special Children School, Narengi Cantonment, Guwahati nung azüngla, Laxmi Kumari-i Soft Ball tetoktepba nung gold medal agizükba den külemi, tetsür 50m Race nunga silver agizüka liasü.
India-i tan mezüngsüa Soft Ball tetoktepba nung shilem agidang gold agizükla, teberem aser tekolok timtem alila, Kumari arishi küm 7 tain aliba mapang nungi tenzüka India mitkari ketdang asüba Special Children School nung azüngba osanga jangjaogo.
Australia kübok New Castle nung ayongba 2013 Special Olympics nunga Kumari-i Badminton singles gold 1, Badminton doubles silver 1 aser Badminton mixed doubles silver 1 agizüka liasü.
Kumari-i Badminton singles gold 1 aser Badminton mixed doubles silver 1 agizüka Mumbai nung 2014 küm July ita ayonga asayaba National Championship of Special Olympic Bharat nunga shilem agiba osang bushiteta lir.