Special Olympics nung India-i medal 368 angu

Metsüremi/March 21, 2019 (Agencies): Special Olympics World Summer Games koba Abu Dhabi, UAE nung March 14 nungi 21 tashi asayaa liasü, iba asayamung nung India team-i gold medal 85 densema medal 368 koktetogo.
India team nungi asayar 284 liasü aser parnok gold den ano silver medal 154 aser bronze medal 129 kokteta iba asayamung kanga takok nung tembangogo.
India nunger powerlifter temi medal timba angu. Parnoki gold 20, silver 33 aser bronze 43 kokteta liasü. Kasa mapang nung Roller Skating asaya nunga India nunger asayartemi medal 49; gold 13, silver 20 aser bronze 16 angu.
Cycling nung India team-i gold 11, silver 14 aser bronze 20 angu. Maneni track and field athletes temi medal 39 koktetogo. Medal tem rongnung gold 5, silver 24 aser bronze 10 densema lir.