Spice Girls-i TV documentary ka yanglutsü tebilemba lir

London, June 23, 2016 : British nungi pop kentener tetsür telok, Spice Girls-i TV sentong ka nung shilem agitsü atema tang tejembidak lir, ta osang ajanga metetdaktsü.

Mel B, Geri Horner aser Emma Bunton nunger iba telok nung küm 20 ajungba nüngtem nung iba documentary yanglutsü apitetba lir, ta femalefirst.co.uk osang ajanga ashi.

“Spice Girls asentenshiba ya pop otsü nung otsüsütsü ka asütsü. Iba documentary ajanga parnok ano tali nüngtugu kümshitsü,” ta The Sun osangkaket nung shia lir.

“Parnok telok ya nüburtemi kanga sapur. Iba sentong yoktsü atema BBC, ITV aser Sky company tem kanga tokteptsü. Item tetsürtem ya jenjang aketba tetsürtem lir,” ta kasa osang ajanga ashi.

Simon Cowell-i Spice Girls den kensep ka nung külemi inyaktsü kangasa jangrar ta ashiba sülen documentary osang ya temai adok.