July 03, 2016 : Tesüiba mapang tetsür kentener telok, Spice Girls nung Melanie C, Mel B, Geri Horner, Emma Bunton aser Victoria Beckham nunger liasü saka tangbo parnok pilaogo.
Par telok küm 20 ajungba nüngtem nung taküm benjung ka amungtsü sentong yangludanga liasü, saka ibaji thinener saküm akatsü jembia liasü. Aji oda süaka Mel C-i iba sentong jangra mali ta ashiba sülen sangküm, 2017 küm akatsü aliba sentong jia tiogo.
The Mirror osang janga ashiba agi,Mel B, Geri Horner aser Emma Bunton nungeribo iba telungjem benjung akatsü kanga jangrar aser parnoki ano Mel C atema küm ka ataloktsüa mulunga lir, ajisüaka lai iba sentong nung adentsü odang mejangrar.
“Mel C-i lar medemertem dang taküm mesüra sangküm atema yangluba sentongji mataloktsü kechiba lai iba sentong asoshi kecha tejangraba mali. La den ano Victoria-ia iba sentong asoshi kecha bilema mesüra jangra-a mali aser ibaji ajanga anünga aliba par asem kijai iba sentong mekatettsüsa akümer,” ta osangbenertemi osangkaket ajanga metetdaktsü.
“Parnok asem kijai sabang nung ken atenbaji par pongui atenba amabo masütsü. Victoria kija malibaji oda taktsüka süla saka kecha balaka mesüla, ajisüaka ana tashi madenba ajanga sentong tamakok angutsü. Tesüiba mapang parnok khen lungjemdangbo parnok pongu prong liasü anungji ibaji ajanga sentong takok ngua nüburtemi aginüba ama shilem agi. Ka tanga medeni iba sentong aka nungbo ashioktsür amai asütsü aser parnoki yamaji mesüner,” ta kasa osang ajanga ashi.
Parnok telungjem benjung amungba sülen documentary ka yanglua kensep tasen ka menüngoktsü sentong liasü, ajisüaka item sentong ajak amajok kümogo.
You must be logged in to post a comment Login