Spicejet Airways-i Nagaland nungi lanur parnok 13 shimtet

Dimapur, Luroi/August 20 (Agencies): Dimapur kübok aliba Emporium Training & Consultancy Pvt Ltd nung tanü Luroi/August 20 nü Spicejet-i Cabin Crew recruitment ka acha ayanga kaogo; Spicejet tenüng nung Akshat Gupta, Hazel Phillipes aser Akriti nungeri iba recruitment acha ayanga agia liasü. Iba recruitment nung student ajak agi parnok 13 shimogo.
Cabin Crew atema shimtetter kongru 13 tenüngtem yamai alitsü:
(1) Vilika Shohe (2) Meriyani Odyuo (3) Silpi Khakhlar (4) Lika S. Sumi (5) Vaknu Thokdar (6) Haiyale Apon Rengma (7) Rosy L. Asheli Yepthomi (9) Eteisile Zeliang (10) Anongla Chipur (11) Vinivi V. Achumi (12) Akumjungla (13) Tejongonuo Chaya.
Company nung züngoksemtsü atema kongrutem ya mapang tatsüka lir Delhi-i aotsü. Tayimtsü nung mapa inyaka senzüba ghonda apir parnok kija shia itasen ji 60,000 nungi 70,000 tsüngda shi angutsü.
Iba sentong nung Directorate of Employment, Skill Development & Entrepreneurship nungi ketdangsertem densema liasü, aser iba mapang parnoki Spicejet nung Cabin Crew inyaktsüpurtem den sensaksema aser shisatsü tajung agütsü.
Emporium Skill Training Centre, Dimapur koba Half Nagarjan Main Road anasa Govt. Higher Secondary School Junction nung lir, idaki tang parnok nisung 220 shii Pradhan Mantri Kaushal Vikas Yojna (PMKVY) kübok angati agi government sponsored aviation aser hospitality training tagidak lir. Iba training ya Directorate of Employment, Skill Development & Entrepreneurship, Kohima, Nagaland-i teyari agutsür. Iba training ya ita 3 tashi agir.
Ano tarutsü nung tongtibang brand tem talisa IndiGo, Go Air, Jet Airways, Hyatt Regency, Andaz, Grand Hyatt, J.W.Marriott, ITC, Taj, The Oberoi Dubai, Accor Hotels, The Oberoi Ajman – United Arab Emirates atema interview agitsü. Iba atema student ajakji ita asem tsüngda tashi nung training agidaktsütsü.