SpiceJet-i yimtsüng ka nem electricity agütsütsü

Guwahati October 19 (Agencies): Budget carrier SpiceJet puri Bodhbarnü sangdong ka ajanga ashiba agi, parnoki Assam kübok Majuli district nung aliba Baruahchuck yimtsüng nung electricity agütsütsü, koba yimdak tang tashi electricity mali.
Iba airline ajanga taküm diwali mapang amenokba sentong “Roshan Hoga Desh Hamara” kübok iba kinük nung aliba yimtsüng nung electricity agütsütsü asoshi telemtetba agiogo.
Majuli ya Guinness Book of World Records puri alima nung ayong nung aliba asetkong tulutiba ta züngshir.
Iba sentong dak sendakba nung SpiceJet puri “solar microgrid” ka amenoktsü koba ajanga electricity kibong 70 shi nem agütsütettsü aser iba den külemi school ka, anganwadi centre ka aser temple ana nung tesangwa agütsütettsü. Maneni iba dak alaka kasa “solar microgrid” ajanga yimdong nunga tesangwa agütsütettsü.
Solar microgrid ya small-scale power grid ka lir koba pa sasa danga mapa inyakteter mesera iba tesem nung aliba main electrical grid den sendakteper kibong ishikanembo electricity agütsüteter.