Spider-Man nung shilem ka agitsü atema Elizabeth Banks magizük

Los Angeles, June 19 (Agencies): Actress aser film yanglur, Elizabeth Banks-i, “Spider-Man” film nung lai Mary Jane Watson shielm agitsü atema la magizük, kechiyong 2002 küm superhero film, Spider-Man nung actor Tobey Maguire-i meimla indang shilem agitsü atema la kanga tain liasü, ta ashi.
Spider Man nung tetsür tongti shilem agitsü atema “Pitch Perfect 2” director Banks screen-test agia liasü, saka iba shilem ya tesülen actress, Kirsten Dunst-i agi.
“Spider-Man mezüng film nung Tobey Maguire den külemi Mary Jane Watson shilem atema ni screen test agia liasü. Tobey küna arishi küm kasa shi lir, aser kü dang ‘iba shilemji agitsü na kanga tain’ ta ashi,” ta Bank-i Glamour magazine dang ahsiba osang mirror.co.uk ajanga metetdaktsü.