Spieth-i PGA Tour Player of the Year sempet agizükogo

Atlanta, October 02 (Agencies): America nunger world number 1, Jordan Speith-i 2014-15 tsüngda golf takok marok 5 tashi agizüka kanga junga shilem agiba sülen 2015 PGA Tour Player of the Year sempet tanü Hokolbar nü agizükogo.
Arishi küm 22 tain Spieth-i Masters aser US Open na indang takok marok agizükba den külemi, taküm July ita asayaba British Open aser August ita asayaba PGA Championships na nunga tanabuba jenjang ngua liasü.
Spieth-i taküm küm tembanga, taoba hopta Atlanta yimti nung ayonga asayaba Tour Championship nunga mezüngbuba jenjang ngua overall shilem nung FedExCup takok marok aser senpet sena dollar sen million 10 tashi agizük.
Speith-i taküm küm tenzüker tanü tashi nung senpet sen 12,030,465 agizükba ajanga Vijay Singh-i dollar sen 10,905,166 agizüka 2004 küm yangluba küm ka nung senpet sen timba agizükba otsüa ajangtetogo.
Australia nunger Jason Day; Northern Ireland nunger Rory McIlory aser külem sensopur, Rickie Fowler nunger den vote timba ngua Speith-i tan Player of the Year sempet ya agizüker lir.