‘Sport climbing’ nung Maibam-i gold aser silver medal angu

December 12, 2015: December 6, 2015 nü Maibam Chingkheinganba-i International Federation of Sport Climbing (IFSC) Asian Youth Championship Putrajaya, Malaysia nung akadang gold aser silver medal anguba ajanga India tali ajungketa nema tangdaktsür.
Arishi küm 13, Maibam-i ya Imphal, Manipur nungi lir aser pai ‘speed category’ nung China aser Japan nungi tetokteper tashi tait aika madang tajungtiba süa temba jenjang nung takok angu.
Youth C (arishi küm 10-13) tarensen nung Maibam-i ’55-feet-high speed wall’ tetoktepba nung second 13.27 dang agia mezüng jenjang nung takok angu. Pai semi final nung pa den tokteper Kazakhstan nunger Beknur Altynbeknov madak second ana agi takok anguba sülen final nung iba takok tulu ngutet.
Iba sülen long nung sozüyonga atuba nung ano pai silver medal angu.
Youth B (arishi küm 14-15) tarensen nung Bengaluru nungi Bharath Pereira-i silver medal angu aser Youth C tarensen nung Pune nungi Shreya Nankar-ia bronze medal angu.