Sporting Lisbon nungi asayar asemi club toktsü

Lisbon, Aami (June) 12 (Agencies): Portugal nungi nüngtugu asayar asem shirnok tang World Cup atema renemshiba mapang lir, parnoki parnok indang club Sporting Portugal dang club den tezüngzüktepba yanglur aliba aginba metetdaktsüogo, ta Tentonü club dingdong ka ajanga metetdaktsü.
Monupii (May) teyongtsü ka nung tejak meyibanger fan 50 shikati parnok indang training ground nung asayartem amakba sülen maneni club jenjang tamajungba küma odar.
William Carvalho, Gelson Martins aser Bruno Fernandes nungeri club (Sporting Lisbon) dangi shidi balala nung club den tezüngzüktepba raksaba sangdonga liasü.
Tanga asayartem rongnung captain aser goalkeeper Rui Patricio aser Daniel Podence nungeria club toktsütsü bilema aliba metetdaktsüogo.
Kasa mapang nung club coach Jorge Jesus-a club toktsüogo.
Lisbon nung Sporting indang Alcochete training base amakba dak sendakba nung nisung 23 pua lir.
Iba tatalokba ya Portuguese Cup final asoshi asayaba mapang nung Sporting pur 2-1 agi Aves-i akokba sülen atalok.
Iba season tatembangbuba asaya nung Maritimo makokba sülen Sporting pur jenjang asembuba nung tembang aser Champions League qualifying rounds nung shilem agitsü asoshi maongka mongutet.