Sports Minister Goel-i Khelo India tetoktepba lapoktsü

January 15, 2017 nü New Delhi nung Khelo India National Level Competitions Minister of State for Youth Affairs & Sports (I/C), Water Resources, River Development & Ganga Rejuvenation, Wb. Vijay Goel-i lapoktsüba sülen pa dena tangokba noksa ka yangi angur.

New Delhi, January 15 (Agencies): Under-14 aser Under-17 tanurtem asayamong, Khelo India National-level tetoktepba balala sentong ka, Sports Minister, Vijay Goel-i Deobarnü lapoktsüogo.
Iba tetoktepba sentong ya Sports Authority of India (SAI)-i ayongzük aser iba sentong nung swimming, cycling aser wrestling amala asaya nung tetoktepba alitsü.
Swimming nung telemsa balala nung takok angur nem Minister-i sempet agütsü.
Iba sentong nung Sports Secretary, Injeti Srinivas, nüngtogo tzü awar Khazan Singh aser Bhanu Sachdeva, Meenakshi Pahuja aser linük ajunga nungi skol tanurtem noklang aika aden.
Iba tetoktepba nung state aser union territory 25 nungi nisung 1000-i shilem agidar.
Khelo India tetoktepba ya grass-root level nung saisapong ajungkettsü kisüng masü saka linük nung saisapong ki-ojen tasen yangluba nung yaritsü asoshi lir, ta Goel-i ashi.
Iba ajanga sempet balala aketer tanurtem nem national level nung sabang lapoktsür aser pei sempet ajiteta international level nung junga tokteptsü asoshi terenemshiba agütsür, ta pai shisem.
Sports Ministry ajanga January ita nungsa Sports Talent Search sentong ka national portal nung sayatsü, ta Goel-i metetdaktsü.
Swimming aser Cycling tetoktepba sentong tetsür, tebur Under-14 aser Under-17 telemsa nung tanü agia liasü aser cadet group küm 14 nungi 16 tashi atema Wrestling competition (freestyle) January 20 aser 21, SAI Indira Gandhi Sports Complex nung agitsü.
Khelo India national level tetoktepba ya January aser February nung asaya balala nung agitsü sentong lir.
Kabbadi, Kho Kho aser Wushu tetoktepba Nellore nung alitsü; Weightlifting, Boxing aser Table Tennis tetoktepba Guwahati nung alitsü; Athletic, Handball aser Hockey tetoktepba Gandhi Nagar nung alitsü; Taekwondo , Volleyball aser Football tetoktepba Chennai nung; Badminton, Gymnastic, Basketball aser Lawn Tennis tetoktepba Hyderabad; Archery aser Judo tetoktepba Jaipur nung alitsü.