Spotlight film-i Critics’ Choice Award agizükogo

Los Angeles, January 18 (Agencies): Tom McCarthy-i osangbener otsü nung ajemdaker yangluba ‘Spotlight’ film-i 21 buba Annual Critics’ Choice Awards indang ‘Best Film’ aser ‘Best Ensemble’ sempet agizükogo.

‘The Revenant’ film nung shilem agiba nüngtem nung Leonardo DiCaprio ‘Best Actor’ aser ‘Room’ film nung shilem agiba nüngtem nung Brie Larson ‘Best Actress’ shim saka tenapronglai sempet agütsüba sentong nung shilem magiteti liasü.

DiCaprio-i ‘The Revenant’ film den sentakba senden ka osangbener den amentsüsa akümba aser Larson ‘Kong: Skull Island’ film nung shilem tagidak aliba yong tenati tsüngdong arua sempetji magizüktettsüsa aküm.

Los Angeles yimti kübok Barker Hangar nung agiba sempet agütsütsüba sentong nung ‘Spotlight’ actress, Rachel McAdams-i film nung aroki shilem agirtem – Liev Schreiber, Mark Ruffalo, John Slattery, Michael Keaton, Brian d’Arcy James aser Billy Crudup nunger tenüng nung ‘Best Ensemble’ sempetji agizüka liasü.

Television shilem nung ‘Mr Robot’ television film-i ‘Best Drama’ aser Aziz Ansari-i yangluba ‘Master of None’ film-i ‘Best Comedy’ sempet agizük.

Television comedy shilem nung ‘Crazy Ex-Girlfriend’ nung tongti shilem agila, Rachel Bloom-i ‘Best Actress’ aser ‘Transparent’ film nung tongti shilem agisang, Jeffrey Tambor-i ‘Best Actor’ sempet agizükba osanga jangjaogo.

‘The Leftovers’ film nung shilem agir, Carrie Coon aser ‘Robot’ film nung shilem agisang, Rami Malek nati TV Drama shilem indang ‘Best Actress’ aser ‘Best Actor’ sempet agizük.