Squash: Joshna-i India asayartem rong nung temaba jenjang angur

Chennai, December 01 (Agencies): India’er tetsür squash asayar mongin, Joshna Chinappa-i alima tetsür squash asayar tarensen nung 13 buba jenjang ngua India’er squash asayartem rong nung temaba jenjang abener kümogo.
Doha nung taoba November ita asayaba Qatar Classic asayamong nung Joshna-i tetsür World No. 1, Egypt tsür Raneem El Welily madak 1 buba round koka kanga junga asayaba sülen Joshna-i temaleni jenjang 4 tashi atutsü maongka ngua World No. 17 nungi World No. 13 akümtsü jenjangji angu.
Ajisüaka, külem sensotsür, Dipika Pallikal-i 14 buba jenjang nungi 16 buba jenjang tonga tsünglangleni aluba osang jangjaogo.
Külem sensopur, Mahesh Mangaonkar, Harinderpal Sandhu aser Kush Kumar nungera 62, 66 aser 97 buba jenjang nung aliba osang jangjaogo.