Sr. Treasury Office, Mkg-i metetdaktsür

Dimapur, August 29 (TYO): Mokokchung District kübok DDOs/HODs shirnok Sr. Treasury Office, Mokokchung ajanga itasen aser tanga sentem agizükdar, nenok ajaki September 10, 2017 matongdang Senior Treasury Officer, Mokokchung ket nung Head of Accounts aser Demand Number agütsütsü metetdaktsür, ta Senior Treasury Officer, Mokokchung, Toshizemba-i sangdong ka nung metetdaktsü.
Iba ya treasury computerization atema nüngdaker aser osangji magütsü tashi government transaction kecha malitsü, ta Senior Treasury Officer-isa sangdong nung shia lir.
Maneni, DDOs ajaki Treasury Office nung Computer Assistant, Imtituba den mapa inyakba anogotem nung 9856617484 mesüra 8131861288 mobile number tem ajanga tongteprateptsü mepishir aser DDOs/HODs-i mapang shitak nung iba mapa inyaktsü mepishir, ta Toshizemba-isa metetdaktsüogo.