Sreejesh o Deepika nati Hockey India Player of the Year award agizüker

PR Sreejesh-i Dhruv Batra Player of the Year Award agizükdang agiba noksa ka yangi angur. (Bengaluru, March 28)

Bengaluru, March 28 (Agencies): India goalkeeper, PR Sreejesh aser Deepika nati tebur aser tetsür Dhruv Batra Player of the Year 2015 sempet yashi, Deobar nü agizükogo.
Bangaluru nung agiba Hockey India (HI) Annual Awards sentong nung Sreejesh aser Deepika naprong nem takok marok den senpet sen lakh 25 agüja liasü.
Asür, capt. Shankar Laxman nem Major Dhyan Chand Lifetime Achievement takok marok aser senpet sen lakh 30 agütsüba osanga jangjaogo.
India tenüng nung 100 benbuba shilem agiba nüngtem nung Dharamvir Singh, Kothajit Singh, Birendra Lakra aser Sushila Chanu nunger shia nem takok marok den senpet sen 50,000 agüja liasü.
Ano, India tenüng nung 200 benbuba shilem agiba nüngtem nung Gurbaj Singh aser V R Raghunath na nema takok marok den senpet sen lakh kaka agütsüogo.
Devindar Sunil Walmiki, Harjeet Singh, Nilam Sanjeep Xess, Mohammad Umar, Gaganpreet Singh aser Preeti Dubey nungeria India tenüng nung mezüngsüa asayadang goal agütsüba sempet agizüka liasü.
Küm 36 tsüngda nung tan mezüngsüa Olympics asayamong nung shilem agitsü jenjang anguba nüngtem nung India’er tetsür hockey telok aser parnok den yaritepertem nema senpet sen agütsüba osang jangjaogo.
Raipur nung yaküm, 2015 küm December ita ayongba FIH Men’s Hero World Hocky League Final nung bronze medal agizükba atema Senior Indian Hockey team nema senpet sen agüja liasü.
Kasa asayamong nung Fans’ Choice Award agizükba nüngtem nung Sreejesh-i nem maneni senpet sen agütsü.
8 buba Junior Asia Cup gold agizüker, tebur junior team aser parnok den yaritepertem-ia senpet sen lakh 1 agizüka liasü.
Ano külen, Preeti Dubey-i Asunta Lakra Upcoming Player of the Year Award (Women under 21) aser Harjeet Singh-i Jugraj Singh Upcoming Player of the Year Award (Men under 21) sempet agizükba osanga jangjaogo.