Sreesanth-i Vinod Rai dangi pa tanaben cricket asayatsü melang ta shidi zülu

Kochi, February 17 (Agencies) : Tang Supreme Court-i Indian cricket board asoshi shimtsüba Committee of Administrators (COA) nung tekolakba aser taoba mapang Comptroller aser Auditor General, Vinod Rai dangi India team nungi cricket asaya alisang S Sreesanth-i tang pa cricket temaba jenjang nung asaya alitsü mapang lir, saka küm pezü tashi amajok nung mapang laluogo anungji pa nem ochi obendang agüjang ta shidi ka züluogo.
Board of Control for Cricket in India (BCCI)-i pa mezüngshiba atema Sreesanth kanga mepelar. Balakata pa nem Scotland Cricket league nung asayatsü asoshi BCCI-i No Objection Certificate (NOC) dena magütsüba agi pa mepelar, ta pa kanga junga meteter kati ashi.
2015 küm Delhi Police-i benokba case nung Delhi court kati Sreesanth den ano asayar ana tai mali ta obendang agütsüba ajanga Maharashtra Control of Organised Crime Act (MCOCA)-i bushisüngdang mapa tenzük.
Sreesanth ya 2013 küm Indian Premier League asayamung mapang spot-fixing asüba atema police-i apu.
Rai-i pa atema ochi obendang agütsüba nung yaritsü Sreesanth-i kanga tamang akar.
Sreesanth-i, pa cricket masayadaktsütsü shibangtsür alibaji tan ya mokoktet nungbo tanga lenmang kecha mali anungji judicial teyari agitsüsa akümtsü, ta ashi.