Sri Lanka-i England koka semi final tongtetogo

Mirpur, February 7 (Agencies): Tang tasayadak U-19 Cricket world cup quarter final nung Deobarnü Sri Lanka-i wicket trok agi England madak takok nguogo. Iba asaya nung Sri Lanka nungi Avishka Fernando-i runs 95 yanglu aser bowler Wanidu Hasanranga-i wicket asem agi.
Fernando-i pa out masü tsüngda four 11 aser six 1 dena pa kijai runs 95 ji yanglu.
Iba asaya nung Sri Lanka-i 49.2 overs nung England telok runs 184 yanglur lia ajak out sütsü. Iba sülen Sri Lanka-i 35.4 overs nung 186 runs yangluteta iba takok ya angu.
Mongulbarnü Mirpur nung Sri Lanka aser India telok na semi final asayatsü.
Tanabuba semi final ji Bangaladesh aser Hombarnü Pakistan-West Indies tsüngda takoker den Brihostibarnü asayatsü.
U-19 World Cup nung 1988 nungi tang tashi nung Sri Lanka-i tan agi semi final asembuba tongteterba lir.
2000 küm parnoki final atong ajisüaka Mohammad Kaif-i aniba India team den tamakok angu aser 2010 küm New Zealand nung asayadang parnok semi final tashi atong.
Indai den asayatsü indang asüngdangdang, captain, Charith Asalanka-i, India nungeri spin kanga junga zükteter ajisüaka onoki spin kanga jung aoner anungji ibaji onok tashi asütsü,” ta langzük.