Colombo, March 6 (Agencies): Sri Lanka Navy temi Deobarnü India nunger angopur parnok 29 pua lir. Angopurtem ya Sri Lanka tzü nung ango apuba ajanga apuba lir.
Navy temi Sri Lanka Coast Guard tem den yaritepa item angopurtem ya tzüyim anüdolen tip aser anülolentip tesemtem nung apu, ta Xinhua news agency ajanga metetdaktsü.
Navy temi India nunger angopurtem den külemi parnok meyong zütsük ka den rong tila kar pua lir.
Joko tesüiba küm ishika India nunger angopurtemi tzü arrtsü atena ia Sri Lanka tzü nung ango apuba ajanga parnok pua ayur aser ibaji ajanga linük ana tsüngda tebilemtsü aika adoker.
Sri Lanka nung tongtibang lenirtem den angopurtem tebilemtsü tajung kati arua jembitsü asoshi India External Affairs Minister Sushma Swaraj-i taoba hopta ashiba India nunger osangbenertemi metetdaktsü.
Taoba hopta Tamil Nadu nunger angopurtemi Sri Lanka nung külem angopurtem pua aliba tangsa tang chiokang ta lungkak aita liasü.
You must be logged in to post a comment Login