Sri Lanka navy temi Tamil angopur 12 puogo

Rameswaram, Jan 05 (Agencies): Tamil Nadu nunger angopur 12 tashi Katchatheevu anasa ango pua aliba mapang Sri Lanka Navy temi apu.
Fisheries nung Assistant Director Gopinath-i, angopur ti bo Rameswaram nungi aser tanüngba pezüji Pudukottai district kübok Jegadappatinam tesem nungi lir.
Pai ashiba agi, angopurtem den parnok meyong rong asemprong Talaimannar-i anir oa magistrate nem agütsütsü.
Sri Lanka nunger navy temi rong ka raksatsü ajisüaka yangji mena alirtem ka danga meyirui India tzü tsütsüleni jena otet. Navy temisa rong aika nungi ango apuba net raksaa entoktsü.
Iba asetkong nungi angopur rong 550 tashi tzüyimi ango aputsü ao, ta ashiba mapang, ketdangsertemi, tanüngba angopurtembo tzüküm tonga meyipa aruogo, ta ashi.
December 31, 2015 nüa Nagapattinam district, Tamil Nadu nungi angopur 29 tashi Trincomallee tzükümlen ango apuba mapang Sri Lanka navy temi sota ayu.
India nunger ango apuer 80 tashi Sri Lanka nung tepuokdak balala nung alirtem anitettsü asoshi Ato Kilonseri tongti shilem agitsüla, ta Chief Minister Jayalalithaa-i Ato Kilonser Marendra Modi dangi shidi ka yokogo.