Sri Lanka nung LTTE züngsem ka küm 20 tepuokdak ayutsü

Colombo, March 29 (Agencies) : Bodbarnü Sri Lanka okadak kati LTTE züngsem ta temulung melemi bilemer ka küm 20 tepuokdak ayutsü temerenshi agütsüogo.
2008 küm Colombo nung aliba railway station nung bomb pokdaktsütsü tasa atongba nung shilem agi ta tai tonglokja okadaki iba obendang agütsü. Iba lendong nung niusng 12 pokset aser 100 dak tema yiru.
Iba nisung ya Kanagasabei Dewadasan (Nadan) lir aser tanü Colombo High Court Judge, Piyasena Ranasinghe-i pa aitsütsü atema kuli ngutetogo ta ashi.
February 3, 2008 nü Colombo nung aliba railway station amakbaji tetsür ‘suicide bomber’ kati inyak aser laji LTTE züngsem liasü.
Lai Fort Railway Station nung platform number 3 nung bomb ji pokdaktsü.
Iba lendong nung D.S. Senanayake College nungi baseball asayar 8 den parnok coach dena nisung 12 pokset.
Okadaki Kanagasabei Dewadasan ji Prevention of Terrorism Act nung section 3(b) kübok aitsü.