Sri Lanka:Nisung 709,400 shi tsüngsarusa agi kongshia lir

Colombo, February 14 (Agencies) : Tang Sri Lanka nung nisung 709,400 shi dak tsüngsarusa tesashi agi kongshia lir, ta Mongulbarnü Disaster Management Centre (DMC) sangdong ka ajanga metetdaktsü.
Jila ajak rongnung Gampaha, Monaragala, Kalutara aser Trincomalee jilatem nung iba tensa agi kanga mejungi kongshia lir, ta DMC-i ashiba osangbenertemi metetdaktsü.
Tsüngsarusa ajanga aluyimertem tzü peria mangur aser yimtsüng kar nungbo tzü tajemtsü dena mali okrongteper.
World Food Programme (WFP)-i ashiba agi, March/April 2018 küm alu maru tashi agitsü aser achitsü asoshi Sri Lanka-i taküm chiyungtsü renemshia liasü.
March/April 2017 nung alu junga maruba ya küm 40 nung mongpu tamajungtiba asütsü.
Ministry of Disaster Management & the External Resources Department of the Ministry of National Policies & Economic Affairs-i World Food Programme (WFP) dang tsüngsarusa mapang chiyungtsü aser mapa agütsüba nung teyari meshia temepishiba ka agütsüogo.
WFP-i Sri Lanka sorkar nungi official temepishiba atarang parnok nem telangzüba ka agütsütsü atadar.
January 03, 2017 nü sub-cabinet minister tem nem tsüngsarusa osang agütsüba ajanga parnoki iba timtem atema kanga shishia bilema inyaktepdar.
WFP aser sorkar nati tan iba tsüngsarusa tensa ajanga kibong, chiyungtsü aser nisungtem talidak tem nung kongshiba rongdang asadangba mapa ka inyaktsü.
Ajisüaka ano Department of Meteorology-ibo tan hopta tsüngda Sri Lanka tesem kar nung tzünglu alutsü ta metetdaktsüogo.