Srikanth-i Praneeth kokogo; Saina o Sindhu tsükogo

Sydney, June 23 (Agencies): Australian Open Super Series badminton asaya quarter-final nung Kidambi Srikanth-i külem India nunger asayar Sai Praneeth madak 25-23, 21-17 agi takok nguogo.
Tenaprongla ya Gopichand kübok academy kasa nung dang train süa liasü. Iba asaya mezüngbuba set nungbo tie breaker asayar ang Srikanth-i koktet.
Srikanth-i mezüng set akokba ajanga pa sasa dak temolung lemteta, tanabuba set kanga jung asayateta pai akok.
Srikanth iba asaya akokba ajanga semifinal tongtetogo.
Kasa asayamong tetsür asaya nung P.V Sindhu quarter-final nung Chinese Taipei tsür World No.1 Tai-Tzu Ying-i tsükdaktsüogo. Sindhu 10-21, 22-20, 21-16 agi tamakok angu.
Asaya mezüngbuba set nungbo Sindhu-i 21-10 ta ayong ayonga akok saka tanüngba asaya ana nung Tai-Tzu Ying-i kanga jung asayateta lai iba asaya akok.
Tetsürtem kicha asaya tanga ka nung London Olympics bronze medallist Saina Nehwal-a quarter-final nung tsükogo. La China tsür Sun Yu-i 21-17, 10-21, 21-17 agi kokogo. Iba asaya ghonda ka ser minute 19 asayaa liasü. Sun Yu taruba asaya Nozomi Okuhara den asayatsü shibai külem Japan tsür Sayaka Takahashi koka liasü. Saina tamakok anguba ajang iba asayamong nung India tsür ajak tsükadokogo.