Srikanth-i Syed Modi asayamung nung tan mezüng takok nguogo

Lucknow, January 31 (Agencies): Kidambi Srikanth-i Syed Modi International badminton Championships nung tan mezüng takok nguogo.
USD 120,000 alang asayamung tatembang buba asaya Deobar nü asayadang pai 21-13, 14-21, 21-14 agi China nunger Huang Yuxiang madak takok angu.
Srikanth-i tesüiba küm anabo Syed Modi International Championships nung tanabuba jenjang nungangsa takok angu.
Tetsürtem kija asayaba nung South Korea nungi Sung Ji Hyun-i Japan tsür Sayaka Sato madak angu. Hyun-i 12-21, 21-18, 21-18 Sayaka Sato akok. Tena tsüngda iba asaya gondha ka ser minute 25 nung tembang.
Tetsü aser tebur meyokteper asayaba nung Indonesia nungi Praveen Jordan aser Debby Susanto nati Thailand nungi Puavaranukroh Dechapol aser Sapsiree Taerattanachai na madak 23-25, 21-9, 21-16 agi takok angu.
Tetsür tem nisung anana ser asayaba nung South Korea nungi Jung Kyung Eun aser Shin Seung Chan nati 21-15, 21-13 agi Netherlands nungi Eefje Muskens aser Selena Piek na madak takok angu.