Srikanth Indonesia Masters final-i iogo

Malang, December 05 (Agencies): India nunger badminton asayar mongin, Kidambi Srikanth-i takok ngua tang tasayadak Indonesian Masters Grand Prix Gold asayamong tebur singles final asayatsü jenjang tanü Honibar nü nguogo.
Tan asayamong nung temaba jenjang abensang, Srikanth-i tanü minute 37 nung points 21-13, 21-19 ngua Indonesia nunger Ginting Anthony semifinal asaya nung tsükdaktsü.
Arishi küm 22 tain Srikanth-i tan final-i aiba ya taküm küm tenzüker tanü tashi nung asayamong 4 buba indang final asayatsü jenjang angur lir.
Srikanth-i India Open Superseries aser Swiss Open Grand Prix Gold asayamong takok marok angu saka pai India Grand Prix Gold asayamong nungbo tanabuba jenjang ang ngua liasü.
Srikanth-i Wisnu Yuli Prasetyo aser Tommy Sugiarto na rong nung ka den final nung ajuruteptsü.