Srikanth o Kashyap na tekübokleni jenjang ka ka alur

Kuala Lumpur, December 17 (Agencies): Tanü Brehostibar nü adoktsüba alima badminton asayar tarensen nung India nunger Kidambi Srikanth aser Parupalli Kasahyap na tekübokleni jenjang ka ka lua tang 9 buba aser 15 buba jenjang nung aliba osang jangjaogo.
Dubai nung taoba hopta asayaba World Superseries Finals asayamong group stage asaya ajunga nung tamakok ngua, Srikanth-i kanga mejungi shilem agiba yong pa alima badminton asayar tarensen nung tekübokleni jenjang ka alur lir.
2014 Commonwealth Games champion, Kashyap-a jenjang ka agi teküboleni tan alur lir.
Ajisüaka, South Korea nunger Lee Hyun Il-i California nung asayaba K&D Graphics Grand Prix takok marok agizükba sülen tameleni jenjang 3 tashi atutsü maongka ngua tang 12 buba jenjang nung lir.
India nungersa, H.S. Prannoy merakzüi tang World No. 20 nung lir aser Ajay Jayaram-i temaleni jenjang ka tua tang World No. 22 kümogo.
Tetsür singles tarensen nung Saina Nehwal aser P.V. Sindhu nata marakzüi maneni World No. 2 aser World No. 12 jenjang nung lir.
Jwala Gutta o Ashwini Ponnappa natia maneni tetsür doubles asayar tarensen nung 13 buba jenjang bena lir.