Srikanth Syed Modi International final-i iogo

Lucknow, January 30 (Agencies): India nunger badminton asayar mongin, Kidambi Srikanth-i Thailand nunger Boonsak Ponsana madak semifinal asaya koka tang tasayadak Syed Modi International Badminton Championship tebur singles final-i tanü, Honibar nü iogo.
Tebur World No.9, Srikanth-i tanü minute 32 nung points 21-14, 21-7 ngua World No.28, Ponsana madak takok angu.
Srikanth-i Ponsana den 4 ben tashi asayaba sülen tan agi asaya 3 buba akoker lir.
Taoba küm 2 nunga final asayatsü jenjang angusang, Srikath-i tan agi Syed Modi International final asaya nung tasemben buba tashi atonga shilem agitsü jenjang angur lir.
Arishi küm 22 tain Srikanth-i China nunger Huang Yuxiang den final nung ajuruteptsü.
Ano külen, India’er tetsür doubles asayar, Jwala Gutta o Ashwini Ponnappa na semifinal asaya nung tamakok anguba osanga jangjaogo.
South Korea tsür, Jung Kyung Eun o Shin Seung Chan nati tanü minute 39 nung points 21-14 21-16 ngua Jwala o Ashwini na tsükdaktsü.