SRK dang nungia Salman tesapuba

September 14 , 2015: Bollywood nung Amitabh Bachchan, Shah Rukh Khan aser Aamir Khan nunger dang nungia nüburtemi nüngtugu actor Salman Khan yimya yimpong aser pa dak aliba sempet tesapuba kümogo.

“Bajrangi Bhaijaan” film nung tongti shilem agisang ya tang India nung “Most Attractive Personality” jenjang temaba nung lir. Iba asadangba ya taoba mapang ‘Trust Research Advisory’ (TRA) ta jaa aliba, Comniscient Group company-i yimti 16 nung agi liasü.

Iba compangy yagi parnoki latetba  “36 Trait Matrix” nung ajemdaker iba ya asadanga liasü.

Iba asadangba mapang arishi küm 72, Amitabh-i tanabuba jenjang aser arishi küm 49 Shah Rukh Khan-i tasembuba jenjang ngutet.

Iba den külemi Actress Deepika Padukone-i Katrina Kaif ajateta jenjang pezübuba nguteta liasü.

Deepika Padukone sülen Mahendra Singh Dhoni, Rahul Dravid, Ranbir Kapoor, Hema Malini, Sachin Tendulkar, Aamir Khan aser Virat Kohli nunger tarensena lua lir.