SRK-i IIMB nung kaketshir tejenpurtem den jembitsü

December 10, 2015: Bollywood superstar Shah Rukh Khan-i Indian Institute of Management – Bangalore (IIMB) nung kaketshir tejenpur den Hokolbarnü (December 11, 2015) jembitsü.

Shah Rukh-i tesüiba mapangtem nunga India aser International institution (Yale University aser University of Edinburgh) tem nung o aiben jembia aruogo. Pai IIM-B nung jembitsü aliba oren tatsüka Brihostibarnü twitter ajanga pai lemsatepogo.

Film industry nung küm 25 shi shilem agia arudang Shah Rukh-i Bollywood film 80 dak tema nung shilem agiogo, iba den külemi TV sentong nunga shilem agia lir.

“Baazigar”, “Darr”, “Dilwale Dulhania Le Jayenge”, “Kuch Kuch Hota Hai” aser “Jab Tak Hai Jaan” film tem nung shilen agisang, Shah Rukh nem 2005 nung Padma Shri award agüja tushiogo.

Shah Rukh ano Rohit Shetty-i direct asüba “Dilwale” film nung Kajol den külemi tongti shilem agia lir. Kasa film nung Varun Dhawan aser Kriti Sanon nungeria shilem agia lir.

Iba film ya December 18, 2015 nü sayatsü sentong lir.