SRK-i Juhi Chawla dang na teti junga angur ta ashi

November 30, 2015: Shah Rukh Khan aser Juhi Chawla na film aika nung nüknürar shilem agia aruogo aser Shah Rukh Khan-i tang tashi pa den ‘Darr’ film nung külemi tongti shilem agila junga repranger.

Tena külemi shilem agiba “Ram Jaane” film Deobarnü küm 20 ajungdang pai tesüiba mapangtem menungra bilemteta liasü aser pai twitter ajanga pa tebilembatem lemsatep.

“Na teti nunga angur. ‘Ram Jaane’ sayar joko küm aika ajunger. Rajiv, Anu, Juhi, Vivek, Punit, Saroj Khan aser iba film nung yariteper ajak dang kanga pelar,” ta Shah Rukh-i twitter ajanga lemsatep.

SRK-i item o lemsatepba ya Juhi-i 1995 küm Rajiv Mehra direct asüba ‘Ram Jaane’ film nungi tatsüka agizüka twitter nung enoker, “Ni iba nungya kanga junga adok…..ni yamai junga angutsü ta ni memetet liasü” ta züluba sülen ashiba lir.

Iba film ya tenüng mali asangur ka, ‘gangster’ kümer tetsür ka den meimtepba otsü lir.

Shah Rukh aser Juhi nati “Darr”, “Yes Boss”, “Duplicate”, “Raju Ban Gaya Gentleman”, “Phir Bhi Dil Hai Hindustani” aser tan tesüsa “Bhoothnath” filmtem nung shilem lir.