SRK-i küm aika mamatettsü jilu tasen ka puratetogo:Karan

Mumbai, April 15, 2016 : Karan Johar indang ‘Fan’ film atema pa tembar tajungtiba rongnung ka aser Bollywood nung superstar Shah Rukh Khan-i jilu tasen ka puratetba atema Karan Johar-i tenüngsang agütsü aser iba jilu ya küm aika mamatsü ta ashi.
“Shah Rukh Khan-i küm aika mamatettsüla jilu ka puraogo…pai iba jilu tasen puraba ajanga ‘Fan’ film nung Gaurav ama shilem ka agitsü lemtet, ta Karan-i twitter ajanga lemsatep.
Karan aser Shah Rukh Khan na nüngtugu film “Kuch Kuch Hota Hai”, ” Kabhi Khushi Kabhie Gham…” aser “My Name Is Khan,” tem nung külemi inyakogo.
“Shisatsü ajak sangwadaktsür….cinema atema tebilemba aser teinyaktetba ulura…Shah Rukh Khan ya tajung dang nungia tajungba! ‘Fan” film tushir,” ta Karan Johar-i twitter ajangsa lemsatep.
Arishi küm 50 tain, actor Shah Rukh Khan-i pa ama shilem ana repa agiba film ya Hokolbarnü sayaogo.