SRK-i traffic paitoktsü atema kidangi tayimtsü nung ao

Mumbai, May 30, 2016 : Superstar Shah Rukh Khan kidangi aodang traffic paitoktsü atema tayimtsü nung ao.
“Dilwale” film nung tongti shilem agisang, SRK-i pa tayimtsü ka nung mener tangokba noksa ka Instagram nung lemsatepogo.
Pai, tayimtsü nung metsü meshidak tesem aliba ajanga ni pelar! ta ashi.
“Gari lenmang nung traffic kangasa aliba ajanga kidangi tayimtsü nung aoer,” ta pai twitter nunga lemsatep.
Arishi küm 50 tain, SRK-i tesüsa shilem agiba film ji Maneesh Sharma-i direct asüba ‘Fan’ film lir.
Pa ano Rahul Dholakia-i direct asütsü aliba “Raees” film nung shilem agitsü lir.
“Dilwale Dulhania Le Jayenge” film nung tongti shilem agisang, SRK-i “Raees” action thriller film nung actor Nawazuddin Siddiqui aser Pakistan tsür Mahira Khan nunger den külemi shilem agitsü.