SRK: Tsüraburtemi pei jabasotem dang tetsür akhüm tsübutsü sayutsüla

January 8, 2017, Mumbai: Bollywood actor Shah Rukh-i tsürapurtem dang pei jabasotem dang tetsür akhüm tsübutsü sayutsü asoshi mepishi.
“Ya kanga dang tai, kidang tetsü aser tebui pei jabasotem dang tetsür akhümtsübutsü sayutsüla,” ta Bengaluru nung tebur telok kati tetsür ka dak tim mesüi kongshiba ken o indang asüngdang dang pai langzü.
Honibarnü Kokilaben Dhirubhai Ambani Hospital & Medical Research Institute nung, tanur 100 asoshi angati temolungjang surgeries agütsütsü asoshi sen bushiba sentong ka nung, SKR-i osangbenertem den Archana Kochhar Show nung iba ya jembi.
“Tetsür ajak; tanur-a süang, tetsütem-a süang, kechi jenjang nung la lidir liang, parnok ajak kü asoshibo kanga tongtipang. Parnok ya Tsüngremer kasa yangluba meimchirtem lir, ta angateta parnok akhümtsübutsü mapang tongja tongogo,” ta paisa shisem.
Bollywood nung nüngtugu nisungtem; Salim Khan, Shekhar Kapur, Akshay Kumar aser Farhan Akhtar nunger ajaki iba tim masüba mapa aitsüogo.