SS Thaman-i Bigg Boss Telugu music mejemtsü

Chennai, June 18 (Agencies): Nüngtugu southern composer S.S Thaman reality show Bigg Boss Telugu atema music mejemtsü asoshi aniokogo. Pai ashiba agi, music tem ajanga audiences tem jangratemdaktsütsü.
“NTR indang Bigg Boss atema music yanglu tang ang temogo. Music tem ajanga nenok kanga jangratemdaktsütsü,” ta Thaman-i Hokolbar aonung tweed asü.
Junior NTR-i iba show Telugu version host asütsü aser iba ya Star Maa nung sayutsü.
“Ni iba maongka ngutetba atema kanga pelar. NTR indang film nung mapa inyaktsü ya jangratemtsüka lir,” ta paisa osangbenertem dang ashi.
Taoba mapang nung Thaman aser junior NTR na Brindavanam, Baadshah aser Rabhasa film tem nung külemi longjemer inyaka liasü.
Naayak composer ya maneni Bollywood nung mezüngbuba Rohit Shetty indang ‘Golmaal Again’ film nung shilem agitsü asoshi yongyaa atadar.