SSK-i Hokivi Chishi asüba mangyimer

Dimapur, August 06 (TYO): The All Sumi Student’s Union (S.K.K)-i sangdong ka ajanga, Entrepreneur, lokti tenzüker aser DCCI Tir, Hokivi Chishi ajungbena alima nungi pilaba atema jashia mangyimer, ta metetdaktsü.
“Pai Naga nunger lokti atema inyakba mapatem teti bilemtettsü. Pa ya mangdang aliba lenir ka liasü, shibai lokti ajungtsü atema inyak aser Naga nunger aser talisa Sumi nunger atema nokdak. Pa ajungbena asüba ya Naga nunger atema takoksa tulu lir,” ta SSK-isa metetdaktsü.
SSK-isa mangyimer kibong den mangyim lemsateper aser asen Tsüngremi asür nem tesünep aser anisüngzük agüjangma ta sarasademtsür, ta metetdaktsü.