SSP, Kohima-i KABA YD dang pelar

Dimapur, December 11 (TYO) : Kohima Ao Baptist Arogo (KABA) Youth Department nung Youth Director, Tiatoshi-i anir züngsemtemi December 7, 2015 nü Kohima Traffic personnel aser kibongtem asoshi sarasademtsüba den Khristmas sempetten agütsüba atema kanga pelar, ta Sr. Superintendent of Police, Joseph Hesso, NPS-i sangdong ka nung metetdaktsü.

Nenok mapa tajung Kohima Traffic Police-i kanga pelaa agizüker aser Tsüngremi nenok moajang ta sarasademtsür, ta Sr. Superintendent of Police-isa sangdong nung shia lir.