St. Joseph’s College-i metetdaktsür

Kohima, August 29 (TYO): NH-29, Phesama nung anentsüh aluba agi kongshiba Jakhama, Kigwema Mima, Viswema, aser Khuzama tesemtem nung, kaketshirtem aser tesayurtem nem Hombar, August 31 nü tashi nung jenokdak tesem agütsütsü asoshi Southern Angami Students’ Union den college ketdangsertem dena kanga meranga inyakdar, ta St. Joseph’s College, Jakhama Principal Rev. Dr. Sebastian-i metetdaktsüogo.
Anungji iba dak sentakba nung ajak ajungtsü asoshi nübur ajaki onok den amalitepa inyaknungbo kanga pelatsü aser kokra Mongolbar, September 1 nungibo college akhi ama tenzüktsü, ta paisa ashi.