St Joseph’s College Jakhama nem ‘Autonomous Status’ agütsü

Dimapur, Mongputeni (October) 31 (TYO): University Grants Commission (UGC)-i St Joseph’s College Jakhama nem Autonomous Status agütsüogo.
UGC Expert Committee-i osang agütsüba nung ajemdaker Standing Committee-i St. Joseph’s College, Jakhama nem autonomous status agütsütsü lemtet.
Iba college ya Nagaland University nung züngsema lir aser UGC Scheme for Autonomous Colleges kübok küm 10 atema- 2018- 2019 nungi 2027- 2028 tashi autonomous status agütsür.
Joint Secretary of UGC, Dr Surender Singh-i Registrar, Nagaland University dang UGC (Conferment of Autonomous Status Upon Colleges and Measures for Maintenance of Standards in Autonomous Colleges) Regulations, 2018 nung aliba ama nüngdakba sangdong/tetuyuba agütsütsü atema shidi ka züluogo.
Autonomous college-i UGC Regulations for Autonomous Colleges nung lateta aliba ajak sülen anidaktsüla aser telatetbatemji UGC website, www.ugc.ac.in nung angutsü.
St. Joseph’s College, Jakhama-i autonomous mapang tembangba sülen ita 6 autonomous status atema University Grants Commission dangi zülutsüla.