St Joseph’s School Lower Chandmari nung sobaliba sentong agi

Kohima, Chiteni/July 27 (TYO): Tanü St Joseph’s School Lower Chandmari Kohima-i parnok indang School Assembly Hall nung “Comprehending Self Origin” omen nung ajemdaker sobaliba sentong tajung ka agiogo; iba sentongji school academic calendar dak sendakba sentong ka liasü, ta tanü ketdangsertem osang ka ajanga metetdaktsü.
School ketdangsertem osang ka ajanga, sobaliba sayaba ajanga nisungtem maitsü balala sayur; sobaliba medeni libalirobaji tera maliba süngdong kadang mesük, ta ashi.
Tanü iba sentong nung kaketshirtemi tongbang tsüngsang, sobaliba ken, choreography aser jilushi balala ajanga shilem agi aser tetsür rongnung sobutsü tajungtilaji Hapila aser tebur rongnung sobutsü tajungtibaji Nophrezo Vitsu liasü.
School Headmaster, Mhathung-i onük tatsü ka jembi aser school Administrator, Moses Phote-i tepela anküp o jembia liasü.
Iba sentong nung kaketshirtem dak alia tsüraburtem aser temeimertem aika dena liasü.