ST onük atema CCTOA-i tanü ghonda 12 Assam mokdangtsü

Kokrajhar, February 12 (Agencies): Centre-i Assam nung kin trok nem Scheduled Tribe (ST) jenjang agütsütsü tebilemba anema Coordination Committee of the Tribal Organizations of Assam (CCTOA)-i tanü ghonda 12 lungkak ait.
CCTOA-isa State aser Centre sorkartem anema Bodbarnü ghonda 12 Assam Bandh alitsü ayongzükogo.
Kokrajhar nung All Assam Tribal Sangha, All Rabha Students Union, Garo Students Union, All Bodo Students Union, People’s Joint Action Committee for Boroland Movement (PJACBM) aser tangar temi Indian Oil Upendra Nath Brahma children park anasa tanü lungkak ait.
ABSU Kokrajhar district committee president aser Tribal Sangha lennir Janak Uzir-i Centre aser State sorkartem aitsü aser bill meyipa agitsü atema takhangba agütsü.
OBC kin trok nem ST jenjang agütsütsü melena parnok indang reservation quota sasep nung sorkari teyari agütsütsüla ta CCTOA-i takhangba agütsür.