St. Petersburg Ladies Trophy: Roberta semifinal-i iogo

St. Petersburg, February 12 (Agencies): Italy tsür, Roberta Vinci-i Hungary tsür, Timea Babos madak takok ngua tang tasayadak St. Petersburg Ladies Trophy semifinal nung shilem agitsü jenjang tanü, Hokolbar nü ajangzükogo.
Tan asayamong nung 2 buba jenjang abenla, Roberta-i tanü points 7-6 (3), 4-6, 7-6 (4) ngua Timea tsükdaktsüba sülen Serbia tsür, Ana Ivanovic den semifinal asayatsü jenjang angu.
Ivanovic-ia tanü 6-1, 7-5 ngua Ukraine tsür, Kateryna Kozlova madak takok ngua semifinal asayatsü jenjang ajangzük.
Ano külen, India tsür, Sania Mirza aser Switzerland tsür, Martina Hingis natia Latvia tsür, Jelena Ostapenko aser Russia tsür, Evgeniya Rodina na madak tetsür doubles 1 buba round asaya yashi, Brehostibar nü akokba osang jangjaogo.
Tetsür doubles World No.1, Mirza o Hingis nati yashi points 7-5, 7-5 ngua Ostapenko o Rodina na tsükdaktsüba sülen asaya 37 buba atonga akoker aküm.
Mirza o Hingis nati Jana Novotna aser Helena Sukova nati 1990 küm yangluba asaya 44 tashi atonga akokba otsü meneptsü asoshi asaya 8 dang akoktsü anünga lir.
Tenati Russian tsür, Daria Kasatkina o Elena Vesnina na den tanabuba round nung ajuruteptsü.