St Petersburg Open: Paes-Begemann nati final nung makok

St. Petersburg, September 25 (Agencies) : Tanü Deobarnü St Petersburg Open tebur doubles final asaya nung India nunger Leander Paes aser Germany nungi Andre Begemann nati Dominic Inglot aser Henri Kontinen na madak tamakok angu.
Tenati Britain aser Finland nunger tem den 6-4 3-6 10-12 ang anguba ajanga iba tamakok angu. Iba asaya gondha ka ser minute 19 nung tembang.
Paes aser Begemann nati mezüng set kanga züba-a akok ajisüaka tanüngba set ana nung kanga alu.
2015 New Zealand Open asayamong nung Paes aser South Africa nunger Raven Klaasen nati tarep final asaya nung takok marok bena liasü aser iba sülen tang tashi nung pai ano takok ka tanga mongdangi arur.