Star Wars Episode VIII direct masüba atema sasar: JJ Abrams

Los Angeles, November 25 (Agencies): Hollywood film yanglur, JJ Abrams-i Stars Wars Episode VIII film direct masüba atema sasaba olen ka metetdaktsüogo.
Star Wars: The Force Awakens film direct asüsang, Abrams-i tesüsaba Star Wars film film direct masütsü lemteta, Ryan Johnson nem Star Wars Episode VIII film direct asütsü maongka agüja liasü.
“Ni tesüsaba Star Wars film direct masüba atema mesasar ta shira, ibaji ni teyazü jembir asütsü,” ta Episode VIII film yanglutsüren nung executive producer menden abensang, arishi küm 50 tain Abrams-i ashi.
Küm 40 tashi agia film tarensen balala yangluba Star Wars film 7 buba, Star Wars: The Force Awakens alima dang taoba 2015 küm December ita 25 nü sayaba sülen iba film-i US aser Canada na nung sen timtiba aazükba osang bushitetogo.
Ita 7 tashi thinenba sülen alima dang 8 buba Star Wars film taruba 2017 küm December ita sayatsü sentong lir.
Disney aser Lucasfilm nati 9 buba Star Wars film-a 2019 küm May ita 24 nü sayatsü alizüng ayuba osang angazükogo.