State 12 nung Minority Commission metentet

New Delhi, December 07 (Agencies): BJP aser par teloktepi yimsüsüba state pezü densema state 12 aser Union Territory (UTs) trok nung ano Minorities Commission metentet, ta tanü Lok Sabha senden nung sorkari metetdaktsü.
Tasüngdangba ka langzüdang Union Minister of State for Minority Affairs (Independent Charge), Mukhtar Abbas Naqvi-i, “Arunachal Pradesh, Goa, Gujarat, Haryana, Himachal Pradesh, Jammu & Kashmir, Meghalaya, Mizoram, Nagaland, Odisha, Sikkim aser Tripura nung minorities commissions metentet,” ta metetdaktsü.
National Commission for Minorities osang nung ajemdaker Minister-i, Chandigarh, Daman & Diu, Dadra & Nagar Haveli, Lakshadweep, Puducherry aser Andaman & Nicobar Islands ama UTs nunga commission metentet, ta ashi.
“State Minorities Commissions tentettsüji peipei state sorkar sasep tangatetba dak keta lir. Ajisüaka mapang shia National Commission for Minorities-i state sorkartem dang State Minorities Commissions tentettsü atema ajunga arur,” ta Naqvi-isa shisem.