State 5 nung yipru aser tsüngi ajanga nisung 80 taküm agi

New Delhi, Monupii (May) 14 (Agencies): Amungnü (Deobar) nungi tenzüka state pungu nung yipru aser tsüngi aiba lendong balala nung nisung 80 tashi süogo, ta Home Ministry-i tanü metetdaktsü.
Nisung teimba asübaji Uttar Pradesh nung liasü aser iba state nung nisung 51 tashi asü, ta parnokisa ashi.
Tasürtemji West Bengal nung 14, Andhra Pradesh nung 12, Delhi nung 2 aser Uttarakhand nung 1 liasü. Ano, tesem balala nung nisung 136 tashi yirua lir aser parnokji Uttar Pradesh nung 123, Delhi nung 11 aser Uttarakhand nung 2 lir, ta ministry otongdar kati ashi.
Uttar Pradesh (UP), Rajasthan, Telangana, Uttarakhand aser Punjab nung yipru ajanga lendong balala nung nisung 134 asüba sülen anogo 12 lir iba lendong ajurur asütsü. Taoba lendongjia UP nung tuluba amshi aser ano Monupii (May) 9, 2018 nü Uttar Pradesh nung yipru tesashi ka ajanga nisung 18 tepset aser 27 yirutsü.