State Angh aser CM nati Moatsü salem metetdaktsür

Dimapur, May 01 (TYO): Nagaland Angh, P.B. Acharya-i sangdong ka ajanga Aor ajak dangi Moatsü benjung salem metetdaktsü.
Moatsü benjung ya metsü prokba mapa tembangba tetzüa amungba benjung tuluka lir. Iba mapang ya alu mapa temer anisüngzükba mapang ka lir, ta Angh-i sangdong nung shia lir.
Iba benjung amungba ajanga asenoki asen sobaliba wazüka yudi aser ajungketdi. Ibaji ajanga asenoki Naga nunger loktiliba tali angatettsü, ta Acharya-isa shisem.
Nagaland nung yimjung aser azükaru alitsü atema asenoki ‘telongjem’ aser ‘tangatettep’ metsütem prokdi, ta paisa ayongzük.
Ano,  Nagaland Chief Minister, TR Zeliang-ia sangdong ka nung Aor dangi Moatsü salem metetdaktsü.
Iba benjungmung ya tetezü keta amungtsü aser iba benjung ajanga asen loktiliba nung temeim aser adianu tangatetba tali ajungkettsü imlar, ta chief minister sangdong nung shia lir.