State Angh-i K Medom Angami asüba atema mangyim lemsatep

Kohima, Monupii/May 14 (TYO): Monupii/May 11, 2018 nü Dimapur nung K Medom Angami asüba atema tanü Nagaland Angh, P.B Acharya-i mangyimba osang lemsatepogo.
Asür kinüngtsü Zasituonuo Medom den mangyim lemsatepa Angh-i, asür K Medom Angami ya tembar tajung ka liasü, BJP Nagaland Unit züngsem ka liasü aser pai tesüiba küm 18 tashi menden balala nung party tenzüka aruogo, ta lemsatep.
Angh-isa, asür Medom Angami ya yimtenren tesayur ka liasü aser state nung party nung inyakertem aika atema tashi angudak liasü, pa asüba ya Nagaland nung alirtem, talisa party atema takoksa tulu ka lir, ta metetdaktsü.
Angh-isa, asür K Medom Angami-i lokti ajungtsü atema inyakba aser party tashi aittsü atema inyakbaji teti bilemtettsü, ta ashi. “Asür K Medom Angami ajungbena asüba ajanga mangyim tia nung alir kibong züngsemtem nem tashi agüjang ta ni sarasademtsür,” ta Angh-isa lemsatep.