State Angh-i Kisama nung Craftscape semdang

Kohima, December 08 (TYO): December 08, 2017 nü Nagaland Angh, PB Acharya aser pa kinüngtsü, Kavita Acharya nati Naga Heritage Village, Kisama nung Craftscape corner semdanga liasü.
Angh aser pa kinüngtsü nati Craftscape nung shilem agirtem dena jembi; tenati exhibition nung sayaba oset balala agi temelung kanga süa liasü.
Angh-isa state nüburtem dang teka mapa balala inyaker lisopurtem ajungkettsütsüla aser sobaliba teka mapa balala mesamadaktsüi wazüka ayutsüla, ta ayongzük.
Angh-isa World War II Museum, Artists’ Corner aser Assam Rifles-i lapokba stall ka semdanga liasü.