State Angh-i Mumbai nung Naga nunger kaketshirtem ajuru

September 13, 2015 nü Mumbai nung Nagaland aser Assam Angh, P.B. Acharya aser Higher Education & Technical Education Parliamentary Secretary, Deo Nukhu na Mumbai Kaketshir züngsemtem den tangokba noksa nung angur. 

Dimapur, September 13 (TYO): September 13, 2015 nü Mumbai nung Nagaland aser Assam Angh, P.B. Acharya aser Higher Education & Technical Education Parliamentary Secretary, Deo Nukhu nati Mumbai Naga Students Union nung lenirtem, Executives, Tir aser General-Secretary ajuruogo.
Iba senden nungsa Naga Supermodel Opang Jamir-a jaoka liasü.
Angh-i Mumbai nung shisaluyim balala nung azünger kaketshir aser kaketshir tentet den jembia liasü aser Parliamentary secretary Deo-ia kaketshirtem den Naga nunger puti otsü lemsatepba den külemi kidang nungi talangka pilar alir asünungi yimjung nung alitsü aser kati ka yaritepa alitsü ajungshi.
Tan Hokolbar nü (September 18) anüngdang 11:00 ako nungi Mody, Hall Mumbai University nung Naga’s Student Union Mumbai Annual Fresher’s Meet-2015 akatsü.
Fresher’ day atema tetendanertemji- Opang Jamir (Naga Supermodel, Mister India International 2012), Asen Sharma- SEO Article Writer, Keren Sumi- ( Personaliy trainer, taoba Miss Dimapur aser Gladgrags Mega model 2011) nunger asütsü.