State Angh-i Ramzan salem lemsatep

Kohima, Monupii/May 18 (TYO): Nagaland Angh, PB Acharya-i Nagaland nung alirtem, talisa Muslim nunger den Ramzan temeshi ita tenzükba salem lemsatep, ta PRO to Governor sangdong ka ajanga metetdaktsü.
Angh-i, “Ramzan tenzükba mapang nung ni Muslim nunger ajak dang kibong aser anema aliba meyipa reprangshiba temoatsü mapang ka asütsü lemsateper. Iba temeshi ita ya ajanga linük tesem ajaklen telongjem, tesünep aser yimjung tanela lidakjang,” ta lemsatep.
Angh-isa, iba temeshi ita ajanga state nung tesünep aser yimjung tanela lidakjang, ta lemsatep, ta kasa sangdong nungsa shia lir.