State Angh-i Shivrati salem lemsatep

Kohima, Metsüremi/March 03, 2019 (TYO): Nagaland Angh, PB Acharya-i Nagaland nung alirtem, talisa Hindu nungertem den Shivrati salem lemsatep, ta PRO to Governor-i sangdong ka ajanga metetdaktsü.
Angh, Acharya-i, iba anogomong ya Hindu nunger otsü nung temenen tepseter, Shiva tsüngrem külemtsü atema amonger; Shrivrati mapang ya taremzükba, tatok agutsüba, temenen nangzükba, ochishiba aser temeim nung rangloktsü mapang ka lir, ta metetdaktsü.
Angh-isa, iba anogomong ajanga temeim aser tesünep aliba den külemi tesem ajaklen yimya tajungtem tashi itshitsü imlar, ta lemsatep.